0600    話就話六點起身,其實係香港o既五點,平時 E 個時間都只係剛剛訓冇耐,不過為o左去玩,再早都要o架啦,刷牙洗臉 check out 食早餐一氣呵成,跟住就出發去火車站撘火車去二乜匚喇

0800    晌火車站第一次見咩叫便富,樣樣o野都好新奇有趣,日本o既火車係好準時o既,仲有係當地人好守秩序,唔會好似香港咁未落車就被人迫返上車,佢o地會等人完全落哂車先會上車,同埋車廂入面係不能夠講電話,所以個車廂係好靜絕對唔會發生巴士阿叔事件o既

0945    撘o左兩個鐘火車之後到達俱之安町,之後就係等民宿o黎接喇

1030    終於到達二乜匚所住o既地方,間房好細,但都好企里好乾淨,同埋民宿 D 服務態度好親切,原本要兩點先 check in,但我o地早到都立刻汁間房俾我o地,真係冇得頂呀!

1100    入到房擺低包伏就馬不停蹄爭取時間去滑雪喇,當然我o地係唔識滑o架啦,所以第一件事係要租用具

1145    萬事俱備只欠教練,好好彩果日又有個識講英文o既美女教練 Kim 喎,就係咁就踏出人生第一次o係雪山滑雪o既第一大步喇

1230    o係個滑雪場玩o左一個鐘左右，感覺良好，雖然跌到一仆一碌，但真係好好玩，落葉式飄落山都掌握到喇，不過距離識玩好似仲有好遠水路……

1330    Kim 教o左大致上要用o既技巧，之後就靠自己苦練喇，不過玩o左兩個鐘多 D ，跌低爬起再跌倒，消耗大量體力，o係呢個時間，真係要抖抖喇

1400    返去擺低塊板除低套裝備抖o左一陣就出去醫肚喇，今日o既晏晝去o左食鐵板好味燒，可能係肚餓同體力透支o既關係，個餅真係痾衣撕！！

1500    食完又行返民宿抖一抖，急差補充一o下就準備出發繼續玩樂喇

1600    四點幾已經開始天黑，五點就差唔多黑齊，不過都毛阻心中滑雪果臀火，滑o下跌o下，跌落 D 雪又軟綿綿好爽

1715    玩到好支力，不過夜晚個場都可以繼續玩到九點先打烊

1810    玩到筋疲力盡，唯有依依不捨咁歸去啦……

1900    返去擺低套 Gear，但又未餓，所以就出o左去四圍行o下，晌呢個滑雪渡假區入面，好多屋都係歐洲款式，再加上屋頂鋪滿雪，第一次滑雪就o黎 D 咁靚o既地方，留下o左好好o既第一次感覺，真係冇o黎錯地方！！

2045    行完就去o左便利店買晚餐返去食，因為盤川有限，所以只能吃杯麵，雖然只係即食食品，但有得o黎玩都已經心滿意足喇，食飽後落o左去個民宿客廳度上網打電話返屋企順便 check 下 email，然後就倒頭大睡，因為實在係太支力喇

    ↖ˍˍ Hokkaido2007