0800    為o左去滑雪，早 D 起身都係值得o既，食完早餐就除齊裝備拎起塊板就又繼續去一仆一碌喇

0930    初頭諗住逐次買 ticket 上山好 D，但諗諗o下拱遠水路o黎到唔玩放 D 好似對唔住自己咁，所以買o左張 8 hours pass，決定上高 D 玩盡 D

1100    兩條友傻傻o地上o左山，但唔記得o左自己只係玩o左兩日o既新鮮人，攪到滑滑o下又唔識路，卒之除低塊板行返落去原先玩開果條 beginner 雪道繼續苦練，諗起都好笑 ^3^

1230    玩o左成個上晝，基本姿勢都控制到喇，之前連起身都要出盡力，到呢刻可以好他條咁動起身再拍拍欏柚 D 雪咁慢慢滑，都幾有滿足感o架，跟住玩都餓就去o左附近一間拉麵鋪登山軒食拉麵，呢餐係呢個行程o既第一餐拉麵，好好食，一碗 650 - 1050 日元左右，好似好貴，但對俾起當地o既消費指數其實就算抵食o架喇

1500    食飽飽當然要抖一抖啦，返o左去除低套 Gear 灘o左陣，睇o下雪景咁，唔洗做渡假差電真係寫意，可唔可以唔返香港呀？

1700    抖完又拎齊o野出去盡最後努力沖廁，因為玩埋今日就要離開個雪山喇……

1830    雖然唔捨得走，不過連後備電池都用光o既情況下，唯有同自己講"I'll be back"啦

2000    返去放低塊板後又去返登山軒食晚餐，因為晏晝食完實在太痾衣撕喇，今次食炸豬扒飯，坐我隔離個老外都係食呢樣，佢仲一路食一路叫支實時，因為實在太好食喇！！

2100    同琴晚一樣，食飽行o左陣買o左 D o野，跟住又返去上網打電話 check email，跟住就汁包伏訓教準備聽日要早起身走佬 lu，玩o左兩日，未走已經好唔捨得就知道，呢度幾咁好玩啦，嘿嘿~~~~

    ↖ˍˍ Hokkaido2007