0800    又係一個大雪o既早上

2045    食個豐富o既早餐，日本 D 酒店直係正，除o左廁所o既洗手肥皂用靚o野之外，早餐咖啡落o既奶一樣係正o野

0920    o黎到尾二呢日，依然係行程緊密o既，不過搭地鐵買全日 pass 車飛時有人又論盡俾多二百日圓，原本 800 日圓一張車飛全日任搭變o左要 1000 日圓，洗錢洗得真係疏爽喇    hehe~~~~

1010    今日第一站係去好多人去到北海道都買手信o既白色戀人朱古力製造廠，但如果有機會去北海道都建議去一去參觀o下，因為果度有得自家製曲奇餅同埋朱古力，同埋都有好多好靚o既o野可以參觀，值得去一去o既景點o黎o既

1205    不過可以放心，我冇買白色戀人o既手信返o黎囉，嘿嘿~~~~

1240    行完戀人，本來想去札幌巨蛋o既，不過時間太趕被迫要放棄喇，之後就係今次白色假期最血腥o既一幕，苛包大屠殺喇，搭 JR 出返去札幌不停行街 shopping 行街 shopping 行街 shopping 行街 shopping 行街 shopping 行街 shopping ……不過我o地又係凸別 D o既，人o地行時裝鋪買鞋買袋買衫買精品，我o地就走去睇滑雪用品，仲搵到 D 凸價超級抵買又好鍾意好o岩心水o既o野，原價賣三萬幾日圓，依家賣一萬零五百日圓，雖然係斷碼 display 貨品，但o岩 size 又咁抵，仲要係香港都好少地方有 snowboard o既用品賣，卒之爭扎o左好耐先可以全身而退，但係又念念不忘喎……

1400    行o左兩間 snowboard o既鋪頭，真係心郁郁好想買 set full gear 即刻又走去滑一轉……可惜理智戰勝心魔，跟住就去搵食喇，但行行o下迷途，搵o左好耐先搵到間o野……o係日本食拉麵唔知點解真係凸別好味，我仲連湯都飲埋見到碗底添

1635    食飽又繼續去放血，不過唔係我，我未出發都已經嚴重貧血，嘿嘿~~~~

1755    行到支力又去o左雪印食雪糕，我諗我o地今次o既旅程，前半段去滑雪燃料脂肪，後半段日日飲飲食食補充脂肪，都唔感想像會肥幾多喇

1840    食完抖完又繼續，目標屠場係狸小路，呢度感覺好似旺角女人街闊落版，買手信必到之首選

2010    到最尾心魔戰勝理智操控肉體，一步一步走返去買o左今日上午睇中o左果對 boots，不過真係唔抵得佢咁平丫嘛！！    >3<

2105    買完o野成個人身心舒泰！！跟住當然去搵o野食賀一賀佢啦，嘿嘿~~~~

2115    今晚係旅程最後的晚餐，食最鍾意o既拉麵，仲要係去 D 舊式o既鋪頭，好有凸式o架！

2205    飲飽食醉就返酒店檢閱戰利品喇，跟住就要汁包伏準備聽日返歸 lu    /_\

    ↖ˍˍ Hokkaido2007