今日懷住興奮o既心情北上尋歡
可惜好多阻滯發生o左
首先係一個人拎兩套 gear 係好甘o既
淨係行去搭車已經拎到我成身香汗淋漓
幾經辛苦終於都到達目的地
但當準備下水禮時又一盤冷水照頭淋喎
我老闆對 binding 唔o岩 size 用唔到……
我就o岩o岩好 fit 到漏油
就係咁我就有套新 gear 開封玩得好興奮
我老闆就睇住我玩得好興奮……
不過後尾都好衰咁拆o左果度 D binding 裝落我老闆塊新板度
都總算有新板下海咁囉
但係衰o野接種而來
我老闆新板落地唔夠一日就俾兩個豆釘一前一後整花o左塊板
睇見都心痛……
真係都唔知點解咁黑仔……

終結就係又要訂對新 binding 返o黎
同埋放o左對唔o岩 size o既 binding喇
另外原來用自己塊私家板真係爽好多
不過我塊板就好鬼硬又好鬼重
要用 D 時間適應
我老闆塊板又軟又輕
好易上手之餘仲好易 turn
希望買返對o岩 size o既 binding 換o左會好好多啦