對於呢套卡通
細細個睇果屎覺得好新奇
機械人 + 變形 + 大量角色 (當時每套卡通只得一隻機械人)
記得係暑假果屎朝早播o既
但唔知點解 D 美國卡通通常都係有頭冇尾
冇o左個結局有 D 遺憾
到大個o左時代又進步o左
有樣人類偉大發明 + 祖國偉大貢獻
名叫翻揀 VCD
終於睇到個主腳o既下場
原來正義o既朋友都會死o既 (當時 D 主腳通常都打不死) ……

到o左廿幾年後o既今日
嘩……！！
乜柯柏文變o左美國式拖頭o架？！
星星叫仲乜由 F-15 變o左 F-22 o架？！
麥加登仲離浦，由支槍變o左做唔知係火箭定係飛機……！？
所以初頭對呢套戲都唔多樂觀
但細個果屎o既童年回憶又駒屎我去睇喎

睇完之後o既感覺係好好睇
有緊張有刺激有攪笑有動作
但要撇除舊有對角色o既觀念囉……
不過到最後我就唔係好明點解阿老麥毛啦啦會咁囉
同埋隻反骨仔星星叫又幾忠於原著唔夠打自己飛走o左咁囉
對於呢套戲o既總結係
大黃蜂仲乜唔搵返架甲虫車做呢？
做乜唔係狂派係飛機博派係車撈到亂哂o既？
出場o既機械人好亂都唔知邊隻打邊隻
機械人變形都好形o下
女主角好性感 <-- 呢個係我覺得好睇o既最主要原因
嘿嘿~~~~

同場加影有人又去錯戲院
都知妳近排忙o架喇
希望妳煲完三鑊之後會有好日子過啦