中秋節加生日
不過朝早八點收工
返到屋企沖個涼就又要急差幾粒鐘
訓到唔知幾點有人打o黎問今晚有咩安排
但我都未醒所以就交o左個波出去喇
跟住唔知訓到幾點又有人打o黎問蛋糕要咩款式
但我又係未醒所以又交o左個波出去喇
跟住訓到三點幾又有電話o黎
今次就係起身o既 morning call 喇

醒o左之後食o左半個朱古力月餅做早餐
然後就起程上山……頂
個立象館都幾得意
都幾多立象睇同影相
不過如果睇過恐怖立象館咁就……
之後o係山頂廣場行o左陣
可惜 EA 果個鋪頭閂o左門冇得玩
行o左陣就去o左食 Burger King
兩個人食o左兩個包兩包薯條一客大洋蔥圈一客炸雞柳
睇見咁o既陣容都知係……食唔哂啦！！
食到反艇都淨返好多薯條食唔落
食飽飽之後去o左行o下老襯亭散步賞月
香港o既夜景真係冇得頂呀

睇完月光賞完夜景之後就去老地方喇
今晚都好人齊o下
當然係除o左阿九叔啦
玩到三點幾就散水返屋企 lu