每年聖誕凸備節目……拜山
一早起身出發
搭港鐵由頭坐到尾
非常之抵
攪到十二點跟住去o左飲茶就完成任務

今日聖誕第二個節目就係去睇戲
套戲個故事好複雜
但又要縮到兩個鐘
所以有好多地方解釋得唔係咁好
但係都幾好睇
最意想不到o既係……原來仲有下一集囉！！

睇完戲就去o左買聖誕禮物準備今晚o既聖誕派對
行o左好耐揀o左好耐
卒之我買o左個好毛聊但我又好鍾意o既o野
唔知邊個會抽中呢？

去到現場已經差唔多到齊
仲一齊玩緊 Wii
果然多人一齊玩係好高興o既
見到 D 豬腩肉必哂出o黎但又要死頂做魚加動作
真係好好笑~~~~
玩o左一陣等齊人就落街食o左餐好肥o既聖誕大餐
我o地依然不失煌虫本色
每碟上檯都一掃而空
食醉飲飽之後又再返上去繼續嬉戲
但我就要準備返工了

聖誕節收到 D 咁o既禮物
見到都想吐血
唉……

收完 D 好冇成意o既禮物之後
又要趕返工喇
今晚睇o黎都唔會精神
不停活動十六小時
跟住仲要頂多九粒鐘先收工
今個聖誕都幾繁忙o下
但係都過得好開心
俾人見到我收 D 咁好用o既禮物
佢o地就仲開心
Merry Christmas!!