今日一早五點幾就醒o左訓唔返
跟住一直o係張床度典o黎典去典到八點幾起身
然後拎住個又長又重o既板袋北上零七最後一滑喇

今日唔係假期
但係都好似星期六日咁多人
玩o下坐o下食o下咁又過o左幾個鐘
汁o野走時不幸事情發生
老闆對手套俾人老凹o左
唉……玩咁耐都冇試過俾人偷o野
今次咁唔好彩就中蕉
不過好彩只係唔見o左對手套
其他o野冇唔見已經算係不幸中之大幸
因為聽聞其他人試過唔見雪樓雪褲添呀！

玩完汁好o野後就搭車返o左去佐敦食今年最後的大餐
我o地去o左老趙食越南o野
叫o左個大頭蝦咖喱粉絲煲
再加一個椒鹽軟腳蟹同埋蒜蓉包
都係一罐作風……食到反哂艇！

食完美味大餐後就去o左老地方準備 Count Down
本來諗住去赤柱o既
但大圍話事咁就跟大隊啦
一大班人玩玩飲飲狂歡到四點幾先散水
今年又再在歡笑聲中渡過了