今日去旅行社問o下 D Package 同埋機位
記得上年早一個月問再加上一月尾二月頭o既 peak season
我估今年早兩個月開始攪同埋係三月中季尾都應該冇走雞啦
點知原先諗住起程o既日子直航冇機位
如果轉機又要o係成田再搭車去羽田轉機好鬼麻煩
回程就仲有小量直航機位
就係咁樣打亂原定安排
o依家決定豁出去星期四去星期六返玩足十日

夜晚返到屋企開始籌備行程
但今年玩十日反而冇上年行程咁緊密
可能今年係第二次去同埋最主要係去滑雪
唔洗諗其他好多交通住宿安排啦
越做個超支越嚴重
睇見個數都有 D 赤
但玩十日……唔理咁多喇
不過希望聽日去俾錢時仲有機位啦……