今天我又再失眠……

朝早四點幾訓
到八點就醒o左訓唔返
根據經驗係唔到下午兩點都唔會訓得著
所以o係張床度閉目養神到十點就起身搵 D o野攪o下
自己都覺得離蒲
明明係唔夠訓但係又訓唔到……

o係屋企 hae 到兩點幾先落街食早餐
之後去o左新田地街廣東道搵螺絲同絲帽
搵o左好多間都搵唔到隻絲帽有得賣
就算係粒螺絲都係行o左幾間先搵到隻唔係好o岩但又用得o既頂得o下咁
最後行o下問o下卒之俾我問到有間專造螺絲o既鋪頭
拿拿淋行過去問o下啦
行到去初頭佢話有但唔係好肯o岩唔o岩
佢話要搵o下先叫我聽日再o黎過
但又好好彩後尾另一個又搵到出o黎
對一對雖然唔係好o岩但又應該可以用得到喎
不過就有 D 貴
因為佢話係之前有人訂造呢隻絲帽俾隻遊艇用    @____@"
我聽完都覺得佢吹得有 D 誇張
遊艇有邊一部份o岩用呢？
我估佢可能講錯o左係俾 wakeboard 對 binding 用呱
雖然貴o左少少但起碼叫做搵到又應該o岩用
所以都買o左兩 set 加幾粒就士啤
下次上去換o左佢睇o下仲有冇鬆先

好辛苦咁搵完螺絲之後就去o左鴨記睇o下有冇o野o岩用
行o左成個下晝
想買幾把鎖但搵o黎搵去都係得三個密碼果隻
四個密碼果隻就搵到得一間但要二十蚊一把
叫佢計平 D 又唔蘇我
所以冇買到
最後收鑊係買o左兩個攀山扣同埋一條威也
用o黎扣對滑雪手套o係身唔洗週圍掛俾人偷
威也就用o黎準備出 trip 鎖板用安全 D
食飯時都食得放心 D

夜晚去o左 APM 食飯
到最後都仲有戰利品……不過唔係我
所以全日係大豐收滿載而歸o既
嘿嘿~~~~