今日一早起身北上滑雪
十一點半上到去飲茶
跟住去買 D 飲品同o野食就過去喇
換好哂衫兩點開始玩
中途抖o左一陣又食o下o野
之後又再繼續玩
玩到五點幾就收o野準備徹退喇

今日有個滑雪識o既朋友生日
我o地都同佢興祝完先走o架
hehe~~~~

每日一論盡
妳今日論盡o左未呀？
繼琴日冇拎電話走留低o左o係公司之後
今日又唔記得帶張會員證
攪到又要比多幾十蚊
點解咁論盡？
因為老闆闊佬囉
呵呵~~~~

玩完食完之後就搭車返地球喇
唔知係火星通訊設備有問題定係地球太危險喇
我o地約o左火星人但去到又聯絡唔到火星人喎
攪到大家各自o係地球流浪o左好一段時間先可以重逢
真係冇陰功

夜晚去o左食韓國o野
個烤牛肉飯就幾好食
其他兩樣就一般啦
總括o黎講係快餐店環境茶餐廳貨式但酒店價錢
姐係坐得唔舒服又唔抵食但係又唔難食囉

食完去o左小露吧飲o左兩 round
講就話頭兩杯 happy hour 價錢
但佢o地又話全晚都係 happy hour 價錢
都唔知邊個講先o岩
但抽獎果度就真係……擺明做馬囉
抽親都係果幾個名
D 獎品就擺到成檯都係
仲要大獎都俾我o地中o左兩份
果張o野都真係中o左都唔開心……唉
最後坐到兩點幾我o地就返歸喇
佢o地呢……轉場繼續劈……
真係精力充沛！