六月廿八日

琴日一早起身去o左銀行整埋個戶口
跟住去o左老闆屋企重裝部電腦
攪o左好多個鐘之後
都仲係差個 Office 未裝
不過都趕時間唔裝喇
因為要去狂歡丫嘛
到達北京樓都差唔多齊人
一輪狂風掃落葉之後碟碟清
飲飽食醉後就去o左睇戲喇

套戲好好睇好好笑
睇完之後個個都阿寶上身

睇完戲後去o左尖東唱 K 飲o野
一班人玩到顛
非常多謝咁多位好友同我狂歡一晚
好耐都冇試過玩通頂喇
仲要凸別多謝喊包姊妹花為我精心挑選o既禮物
多謝哂！！

六月廿九日

朝早天光五點半返到屋企涼都唔沖就撻落床訓教喇
訓唔夠三粒鐘又起身要去驗樓
雖然層樓都有少少問題
不過可以技術補救問題不大
距離收樓仲有一日
好快層樓就到手喇

之後返工蛇o左兩粒鐘大教訓
好彩星期日都冇乜o野做
跟住收工返到屋企又訓o左一陣先起身睇波
今屆西班牙一直都表現出色
進攻又好睇防守又有卡斯拿斯
雖然我估德國會贏
但其實西班牙捧杯就仲好
因為不嬲都唔鍾意德國佬果 D 古古惑惑
就係咁樣西班牙成為今屆歐洲國家杯o既冠軍喇