今日最熱門o既話題應該係等o左成個星期
但係令人失望o既劉翔
雖然唔知真相係有傷定係其他問題
但抱住咁大壓力參加比賽都真係好辛苦
好同情佢要放棄比賽果份失望
希望佢可以快 D 好返同埋收拾心情
去挑戰以後o既比賽啦

今日我又訓到兩點幾先起身
凸燈唔較鬧鐘自然醒
訓足十粒鐘人都醒目 D ~~~~ YEAH

個病今日都好得八八九九喇
起身之後落街食個下午茶
然後去深水埗睇o下 D 行程
計o下砌隻新 server 好丫定係 upgrade 呢家用緊果隻好 D
唔知係咪好耐冇去巡視業務
原來家o下有咁多新o野仲好鬼抵添
睇o黎 server upgrade 大作戰今次都可以進行喇呱

新屋個廚房大致上都起o左個設計圖喇
但最大問題係個上樑不正下樑歪o既問題
成個 L 棟o左o係個天花板果度
攪到個吊櫃o既建設工程難度增加 2.4
屬於中等難度動作……