首先係又拖 D 工具去新屋待機準備
然後去九龍灣拎返訂o左o既地腳線
跟住折返途中收到電話又話大陸訂o左o既櫃門要咁咁咁
又咁o岩日日都有帶個 file 就係今日冇帶就出事喇
所以都係果句大陸買o野雖然抵過香港好多
但風險相對地又大o左好多
如果怕麻煩又驚蝕抵o既就千奇唔好返大陸買平o野

油門o既進度比預期慢o左好多
油三隻門原來都唔係想像中咁容易
仲要果幾隻門 D 料又渣又要係深色
油兩三層都冇咩料到咁
D 門檻又麻煩
最橙係油完又滴到地下一點點
次次油完都要抹一餐真係攞命……

今日仲 check 埋 D 電掣
又係另一項希望工程
距離入伙相信都仲有攪先得喇……