凌晨六點到達羽田機場
落機後即刻去取車上路
但係可能間租車公司攪錯o左
比o左架細 D o既七人車我o地
攪到好似好迫咁……
出車後第一個目的地係鎌倉
去o左睇間寺廟同大佛
然之後就去食個 lunch
不過講起就勞氣喇
諗住八個人叫三碗炸蝦飯 share 啦
點知比人白眼好話我o地八個人叫三碗o野太少
仲衰到筷子都只比我o地用三對咁鬼少氣
真係咩 mood 都比間衰o野攪到 down 哂……
食完之後又開車出發
諗住去崗丿島游o下水啦
點知又遇o岩星期日太多人冇位泊車
卒之都係冇游到直接驅車前去熱海
不過途中又毛啦啦見到有間好靚o既 cafe
所以又二話不說抽頭駛o左入去
呢間o野起o係懸崖邊
環境都好優美
本來我o地話只係飲杯咖啡
但係睇睇o下又叫o左兩個 pizza 兩個意粉……
飲飽食醉又上路
下晝四點幾到達第一晚o既酒店
一到達 hea 一陣就又換衫去海水浴場游水兼準備睇煙花
不過唔知點解 D 海水好凍
唔知係咪日本 D 水凍 D o既呢？
玩完水沖一沖身
跟住過對面馬路掃街準備今天o既晚餐
食飽仲有成粒鐘先開始放煙花
所以食完又食零食飲o下啤酒
又同隔離 D 架仔交流o下
等o下玩o下食o下就夠鐘喇
呢個煙火際比年初二o既煙花更好睇
起碼人o地話放半粒鐘就真係爆足三十分鐘
睇完煙花就返酒店
洗完白白浸埋個溫泉就訓教
準備明天o既緊密旅程喇
