第二天好似係七點幾八點起身
跟住八點幾落去食早餐
間酒店o既早餐都幾豐富
不過不幸o既事情發生喇
新買果部相機唔知係咪入o左水
防水都會入到水真係 call now yeah！！
第二日就冇得用部新相機真係激鬼死……
食飽各自返房練功後就 check out 出車
開始第二天o既旅程喇
首先係去o左琴晚睇煙花時見到果座城
然後係經過超市就沖o左入去掃零食飲料
再開o左成粒鐘車左右先去到一個幾大o既魚市場
不過似係賣手信o既地方多 D
當然我o地唔會放過有得捐血o既機會啦
買到大袋細袋後去o左食魚生飯
個魚生飯都幾好味
只係略賺少o左 D 魚生囉！！
hehe~~~~
食飽後就繼續上路
本來聽臀長講話有幾個景點要去
可惜o既就係落大雨去到都冇o野睇
所以就只係揸車去到後到此一遊
但凸然又醒起睇龍貓果度四點半就打烊喎
卒之又飛車過去睇龍貓喇
其實呢度係啤啤熊館
龍貓只係期間限定
地方雖然唔算大
不過就幾有心思
全層都係擺放龍貓呢套電影入面有關o既o野
最印象深刻係吊係屋頂隻超巨型貓巴士下面真係有埋兩粒蛋蛋o架！！
間啤啤熊館就四點半打烊
但我o地塊面皮就成呎厚
o係人o地間 shop 度左揀右揀買o下o野
hea 到五點先走攪到班姐姐黑哂面
嘿嘿~~~~
睇完龍貓就起程前往今晚o既酒店銀水莊
據聞呢間酒店係全日本o既 Top three
好似好巴閉
不過入到去就真係好巴閉
架車一駛近就已經有職員沖出o黎招待我o地
入到個大堂仲有得比我o地坐o下休息o下
仲有茶點同綠茶蕉呼我o地添
真係好享受！！
由於隨行有對新婚夫婦
所以本來o既房間分配有 D 凸別安排
一間三人房一間五人房改為 2 : 6
比佢o地渡密月之餘仲可以有間凸大房攪攪震添
呵呵~~~~
今晚o既晚餐就豐富咯
頂級享受仲要係好好味
食到超標都唔捨得停口！
飲飽食醉後我o地仲有凸備節目鬧新房
鬧新房之餘仲有禮物抽獎環節添
節目真係非常豐富
經過一輪爆笑蓋綿被之後叮走o左兩個冇獎參賽者後
就到揀禮物o既時候喇
好好彩我o地都有得揀禮物
但唔好彩o既係老闆冇得揀得返隻黑色蜥蝪
而我就有隻龍貓……yeah！！
鬧新房玩到兩點先收隊
但最攞命o既係……
四點幾要起身睇日出……
