訓到七點幾又集體起身
梳洗完後就去食早飯
之後就繼續趕路
第一站係戀人岬
到步落車仲要行山
都係天色多雲望唔到富士山有 D 可惜……
行完身水身汗又食o下雪條咁好捨意
跟住揸返架車返轉頭途經琴晚去放煙花經過o既地方
原來個公園入面有個全世界最大o既鐘
我o地當然唔汁書沖過去影張相啦
跟住見對面有個浸腳溫泉又當然唔客氣插哂 D 腳落去啦
玩完影完就開車去食重點凸式午餐
呢間鋪頭門面好似好舊
入到去原來仲舊……
不過蕉呼都非常好
我o地八個人叫o左兩隻萬二 yen o既蟹再加兩碗天婦羅飯
未食前風平浪靚
一開動就……嘿嘿
食完隻美味大蟹之後又繼續旅程前往修善寺
途中老闆都有揸過架車廿分鍾
好彩無驚無險安全到達目的地！
o係修善寺逗留o左一陣
行o左附近o既村莊
亦有個浸腳o既溫泉涼亭同埋一個竹林
環境清幽不過都係比我o地o既笑聲污染o左……
參觀完修善寺之後我o地又驅車前去摘藍莓
不過又係好趕果隻
人o地四點半收檔
我o地就四點三先去到
但係都好彩有得入去瘋狂車輪手食藍莓
任食藍莓半粒鐘之後原來仲有個勁多香甜芒果比我o地試食o既
個芒果又真係好好食喎
不過記得呢隻o野o係 SOGO 好似又係成舊水先一個……
食到成條脷藍到變黑之後
我o地今日就完成所有景點
開始去今晚o既酒店喇
不過途中又肚餓喎
諗住見到有拉麵就去食啦
好衰唔衰阿車長講o左句中華麵之後
就比前中後排o既乘客一人一句夾攻喎
所以亂咁發言又係禁止o架！
終於經過一間烏冬麵o既鋪頭我o地就駛o左入去
唔知係肚餓o既關係定係間o野真係好味
間o野雖然係連鎖式快餐店
但果 D 天婦羅 + 烏冬仍然係好好食
有臀友食到要補飛追加添
個個食飽飽就起程去酒店 check in 喇
今晚兩個人一間房冇得六個人迫一個房 lu
我o地 check in o左安頓好之後就出街行一陣
不過沼津可能係屬於鄉村地方
好多鋪頭八點就打烊喇
我o地只係o係間超市買o左 D 糧草就返酒店
夜晚我o地o係個 lobby 開餐
攪到個 lobby 好似我o地o既專用會議室咁
只係冇玩啤牌o者……
開完會十二點幾
我o地幾個仲出去間食串燒o既居酒屋宵夜
食到點幾先返去沖涼訓教
放假唔洗做都係夜一夜都唔訓辛苦過返工
不過辛苦得o黎又好鬼開心囉！
