今日又係倒塔咁早起身
諗住去個漁市場食新鮮魚生
點知去到間間鋪都未開門冇得食
所以速速上車去熱海游個早水
我o地仲凸登買張浮床玩添
可惜部防水相機第一日就瓜老襯
如果唔係又有水著欣賞o架喇
玩到十二點左右就汁o野沖身徹退
由於我玩到太支力所以一上車就昏迷o左
不過迷糊中又凸然聽到話食o野喎
所以訓著o左都彈返起身沖落車
呢間o野冇第一日果間咁高級
但可能太肚餓o既關係
所以覺得個咖哩豬排飯都好好食
食完個個又發揮癲人本領各有各癲
又跳又側手翻玩o左一輪先肯上車走人……
差唔多兩點到御殿場但個 GPS 傻傻o地搵唔到個 outlet
左兜右兜又問人先搵到
可惜o徒o左 D 時間 shopping
如果唔係就更大鑊……
不過我o地都夠時間行哂全個場
個 outlet 真係幾鬼大又多o野行
連 Burton 都有專門店o係度
不過價錢就唔 outlet 喇……
反而 Levi's 有 D 次貨就好鬼抵
日本限定o既 made in Japan Levi's FLU 減o左成萬 yen
一條洗水 523 仲要減成一半有多
唔買都對唔住自己
所以三點九集合收隊時大部份臀友都一身血跡囉……
行完 outlet 血拼完就出返去羽田還車喇
路途非常遙遠有成百幾公里
四點開車六點幾先去到
途中心情個個都有 D 低落
好似就o黎玩完要返屋企咁
出到羽田還車跟住搭車去六本木間酒店
冇o左架車真係唔方便
八個人七個o急再個個都大包細包
最慘係 D 地鐵冇電梯……
成班人好似走難咁好狼狽但又好攪笑……
七點九終於都到o左最後兩晚o既豪華大酒店
間房簡直大到冇得挑剔
設備齊全有無料洗衣機雪櫃廚房微波爐應有盡有
九點左右一行人搭車去新宿搵食
本身想食間好食o既拉麵
點知個新宿馬尺大到會蕩失路
兜o黎兜去都搵唔到
卒之求其入o左間食拉麵o既鋪頭就出事
呢幾日o黎個個食都個咀叼哂
少少唔好食都媽聲四起
嘿嘿~~~~
食飽後o係新宿行o左一陣就返酒店
開o左個東京血拼大作戰會議就散水休息準備明天放血行動喇
