今日係東京血拼o既日子
首先係十點集合出發去觸築地食新鮮壽司
然後就去銀座 shopping
本來都冇諗過會有o野買
不過行行o下就出事喇
終於知道東京原來真係咁危險o既
週圍都滿怖誘惑一不小心就好似老闆咁大出血
當然我係o係道推波助欄做魔鬼啦！！
o係銀座放完血就去o左資生堂食甜品做午餐
仲要屈o左個臀友一餐添
個甜品都好貴o下但就非常好食
食完落樓下又買兩支 wine 自己收藏
跟住搭車去原宿繼續下半場 shopping
睇o岩幾件 tee 但得 display 貨所以冇要到
再行一陣就入手一批 cola collection
終於洗濕o左個頭做可樂粉絲……
再行多陣我就大出血睇o岩o左個 Y'SACCS 背囊
又係香港仲未見過果隻
價錢唔算貴睇見就非常鍾意
希望唔會買o左返香港又見到有得賣啦！
放完血就拿拿林趕去台場睇高達
又係左轉右轉好麻煩先去得到
去到又時間緊迫驚佢完場冇得睇
一落車又係成 team 海豹部隊咁係咁跑跑跑
好彩最後跑到身水身汗都趕得切
1:1 o既高達果然好震撼
現場仲有配樂效果配合返佢個頭轉o黎轉去
係值得一去o既期間限定景點
睇完高達影完相就返酒店
我o地去o左超市買杯麵同啤酒
上去酒店天台睇住個東京鐵塔食晚餐
又係另一種凸式風味餐
食完睇o下夜景
成班人對住個水煲都玩一餐
由此證明呢個旅行臀有幾癲啦
玩到點幾汁返 D o野入房都仲要一齊搬哂 D 戰利品出o黎大合照
成績有目共睹
癲仔旅行臀最後一夜就咁結束
