最後一 day
訓到九點起身梳洗汁包袱
跟住十點 check out 寄存行李就出發去電車男聖地秋葉原
首先去o左食個鰻魚飯做早餐
然後分頭行動行街 shopping
途中都有好多香港冇o既凸別玩意
但只睇不買忍到手
不過老闆就忍唔到比我成功毒o左佢買隻日本限定手錶
睇落就真係好靚
最衰就係日本限定丫嘛
嘿嘿~~~~
行完秋葉原之後就搭車去 snowboard
聖地御茶丿水朝拜
但又比人老點o左o係神田站落車
等我o地行到隻 J 咁……
不過幾經辛苦都終於行到去見識到成條街都係賣 snowboard gear o既震撼
可惜又係冇咩時間慢慢揀
只係走馬看花間間鋪望一望就走喇
食完個拉麵就返酒店
搭車返酒店又係麻 Q 煩
轉幾次車又上又落頭都暈
返到去拎齊包袱就正式踏上歸途
一行人各自又拉又推行李o急仲要大包細包
又係好似走難咁搭電車去羽田空港
時間又較到好趕
八點半機我o地六點半左右到機場
又要搭架巴士由 ZONE 1 去 ZONE 2
跟住 check in 個拾o下拾o下空姐又玩o野
八個人分到散哂
攪o左一輪先攪返掂
然後就最後沖廁用埋手上o既彈藥買o野
但臨尾上機前又 delay o左十幾分鐘先放人上機
可能係知道我o地唔捨得走啦！
上到機食完個飛機餐諗住睇o下相
但真係支力到爆
個個都訓到不省人事
所以都係冇睇到 D 相
凌晨十二點幾安全降落
拎齊包袱過埋關已經差唔多成一點
同另外兩位臀友 share 架八折的返屋企
七日行程到此完滿結束
總括o黎講七日行程好似玩o左兩個星期咁
日日訓得果五六粒鐘
上車落車個個都訓練到好似海豹部隊咁兩秒開車
想o係秋葉原同御茶買o野但又揀唔o岩
無心插柳下又買o左兩條o岩心水o既牛仔褲喎
雖然成個旅程嚴重 out 畢值
大出血成績係歷史以來最嚴重重傷果隻
但同埋一班仲傻過我o既臀友玩o左咁多日
非常之開心
希望唔洗好耐又可以再玩過啦
